قصيدة للشاعر / مفرح الضمني المطيري ( رحمه الله )

بسم الله الرحمن الرحيم
هذه القصيدة للشاعر / مفرح الضمني المطيري (رحمه الله)

مبـدا كلامـي سلامي..تحياتـي واحتـرامـي
عدد براق الظلامـي وسـط المـزون الثقيلـه

ثاني كلامي نصيحه..لاهـل الوجيـه السمحيـه
فيهـا فوايـد مليحـه لـلـي يمـيـز دليـلـه

تمسك يامودماني..واحسـب حسـاب الزمانـي
واطلب من الله الغفراني محيي العظام الهزيلـه

الاولى كمل افروضك..ابذل جهدك مع ملحوضك
صلاتـن لله تعوضـك عنـد المولـى فضيلـه

انـا اوصيـك بالطاعه..تـرى دنيـاك قطاعـه
تبـدل ساعـه بساعـه لا تحسبنهـا طويـلـه

بالك تغضب والدينـك..ولا تزمجرهـم بعينـك
اصبـر وكتـف يدينـك لـو حطـوك بمليلـه

غذوك وكيف تنساهم..تخضع وتطلـب رضاهـم
ولاتدعـي بفرقاهـم علـى حسـاب الحليـلـه

بالك تقرض قفا الغافل..هراجـن بالقفـى سافـل
خلك عن دربهـا جافـل حيـث النمـه رذيلـه

شرور الناس جنبها..ودروب الخيـر صاحبهـا
اسمـع وانشـد مجربهـا فوايـدهـا جميـلـه

والراضه فيها السلامه..والسرعه منهـا الندامـه
جنب دروب الملامـه واسلـم مـن كـل ميلـه

وهـذا ماوصفنـا لك..ودبـر حالـك بحـالـك
عسى درب الهـدي فالـك والعبـد الله وكيلـه

صح لسانك ونحو التميز

شكراعلى هذه القصيدة