محاورة بين (حبيب العازمي العتيبي) و( عبدالله الميزاني )

بسم الله الرحمن الرحيم

محاورة بين حبيب العازمي و سوار الذهب ..
حبيب
سلام بقاف للعراف مطـوي مثـل طـي البيـر
وطـي البيـر يحفضهـا مايدفنهـا علـى ماهـا
أنا شاعر ولي وجهة نظر وحـده فقـط لاغيـر
أقول الشعـر غبـه مـن طفـح عنهـا تعداهـا

عبدالله
هلا يامرحبا ترحيب يسبح فـي بحـر ويطيـر
يحـل مـن الديـر اللـي حبـيـب ماتحـلاهـا
كلامـك مايتعبنـي بسيـط ولايـبـا تفكـيـر
ابا اكتبلـك حـروف منقطـه بسطـور ومحاهـا


حبيب
والا ياطير يالي مايشوفـك غيـر جـن مطيـر
متـى تلقـى الطيـور اللـي مخاليبـك تعشاهـا
ياعبدالله هداك الله تـراك بخيـر وانـا بخيـر
لاكن الرجـل يتعـب فـي لزومـه ليـن يلقاهـا


عبدالله
أقول انك واشك انـك تبيـع الاجـر بالتأجيـر
وهـاذي عدهـا يالعـازمـي وانــا اتعـداهـا
أبو سبعة كفر يمشي ولاهـو مثـل ابوجنزيـر
ابوجنزيـر يسـرف فالجبـال الـيـا تـولاهـا


حبيب
أنا مانيب مثل اللي يقولـون الذهـب قصديـر
وخو مـره علـى الجـره لاكحلهـا ولا عماهـا
لون الذيب يمشي لين يصدم فـي جبـال النيـر
مصيبـة قـوم صالـح نـاقـة الله وسقيـاهـا


عبدالله
أنا ماقول فيـك اطقـوق لاقاصـر ولاتقصيـر
ليـا ضيعتلـك حاجـه بعـد شهريـن تلقـاهـا
من اللي يحسبن الخمروالميسـر لحـم خنزيـر
والارض وماطحاها من ضحاهـا الليـل يغشاهـا


حبيب
ليا طاب المريض من المرض وش حاجة التقرير
نهايـة علتـه يومـن ربـي يـسـر ادواهــا
عطاك الله من هموم الليال السود حمـل بعيـر
وحدتك الجمـال اللـي هديـرك ضـاع فرغاهـا


عبدالله
سمت انك عميل(ن)تدعـم الارهـاب والتفجيـر
من اللي كنت تنفـض راسهـا وتحـك علباهـا
ولاكـن النـادم ماعليـه ان المصيـر يصيـر
وتطهيـر النفـوس احسـان نيتهـا وتقـواهـا


حبيب
كمنك قد قضيت اسبوع في كابل وفـي كشميـر
وحالـق لحيتـك وتعيـر العـربـان بلحـاهـا
ولا يالزير سالـم ليـت مثلـك لونـص الزيـر
علشان العرب تعـرف عصاهـا اللـي تعصاهـا


عبدالله
ولا يالعازمي مسـرع ومتهـور بـدون انبيـر
ولا يازينهـا لـو القـدور البـيـض بغطـاهـا
أكل مفرودها سبع الخـلا وازرت تـرام الضيـر
ولاندري مـن اللـي عندهـا ويـروح ماجاهـا


حبيب
أناخابرك ماتسـرع ولاكنـك عكسـت السيـر
وجتك النجده اللـي يقبـس ادناهامـع اقصاهـا
عساهـا ماتـرام الا بعـد يحصلهـا تدبـيـر
وعبـدالله يرعاهـا مايـدري كـيـف يرعـاهـا